عوام کو جلد حکمران ٹولے سے چھٹکارہ ملنے والا ہے، شاہ محمود قریشی

اسلام ٹائمز۔ سابق وزیر خا رجہ اور پیپلزپارٹی کے ناراض رہنماء شاہ محمود قریشی نے کہا ہے کہ عوام کو جلد حکمران ٹولے سے چھٹکارہ ملنے والا ہے، حکومت نے عوام کو مایوسی کے سوا کچھ نہیں دیا، ملتان میں ایک تقریب سے خطاب کرتے ہوئے ان کا کہنا تھا کہ اسمبلیوں میں جعلی ڈگری ہولڈر زبڑی تعداد میں مو جود ہیں اگر سپریم کورٹ ان کے خلا ف کارروائی کرتی ہے تو حکومت جعلی ڈگری والوں کا ساتھ دیتی ہے، جب ملک میں انتخابی فہرستیں غلط ہوں اور پولنگ میں جعلسازی ہو تو نتائج درست کس طرح آسکتے ہیں، انہوں نے کہا کہ اگر جنوبی پنجاب کی عوام نے کمیشن ایجنٹوں سے جان نہ چھڑوائی تو نیا صوبے بنے کا کوئی فائدہ نہیں ہوگا، پاکستان کے عوام غیرت مند ہیں انہیں کوئی شکست نہیں دے سکتا۔