QR Code

پاراچنار کے عوام کا عید کو قربانی دینے والے شہداء کی یاد میں "عید احساس" کے عنوان سے منانے کا فیصلہ

5 Nov 2011 13:00

اسلام ٹائمز۔ علاقے کے انقلابی جوانوں نے شہید فاؤنڈیشن پاراچنار کے ساتھ مل کر علاقائی زبان میں ایک ٹیلی فلم بنائی ہے۔ فلم کی سی ڈیز تقسیم کرنے کے علاوہ اسے یو ٹیوب پر بھی لوڈ کیا گیا ہے۔ فلم کی سٹوری شہادت کی اہمیت اور شہداء کے خانوادوں کے ساتھ نیک برتاو پر مشتمل ہے۔

اسلام ٹائمز۔ پاکستانی غزہ پاراچنار کے عوام نے عید کو "عیدِ احساس" کے عنوان سے منانے کا فیصلہ کیا ہے۔ اس سال عید قربان کو قربانی دینے والے شہداء کے نام کے عنوان سے موسوم کیا گیا ہے اور اس عید کا نام "عیدِ احساس" رکھا گیا ہے۔ علاقے کے انقلابی جوانوں نے شہید فاؤنڈیشن پاراچنار کے ساتھ مل کر علاقائی زبان میں ایک ٹیلی فلم بنائی ہے۔ اس فلم کی سی ڈیز تقسیم کرنے کے علاوہ اسے یو ٹیوب پر بھی لوڈ کیا گیا ہے۔ ٹیلی فلم میں شہادت کی اہمیت کے علاوہ شہداء کے خانوادوں کے ساتھ نیکی کرنے پر زور دیا گیا ہے۔ یہاں یہ بات قابل ذکر ہے کہ صرف گذشتہ چار سالوں میں پاراچنار کے 1400 سے زیادہ شہداء اور 5000 سے زیادہ زخمی و مجروحین نے اپنے خون کا نذرانہ دے کر اسلام اور ملک دشمن دہشتگردوں کا بہادری سے مقابلہ کیا ہے۔ مقامی زبان میں بنائی گئی ٹیلی فلم کا دنیا بھر کے قارئین اس لنک پر انٹرنیٹ کے ذریعے مشاہدہ کر سکتے ہیں۔ http://www.youtube.com/watch?v=3xULbumLL5M  

خبر کا کوڈ: 111834