اسلام ٹائمز - مودی آئین کو بدلنے اور ووٹ کا حق چھیننے کیلئے 400 سیٹیں مانگ رہے ہیں، عام آدمی پارٹی

مودی آئین کو بدلنے اور ووٹ کا حق چھیننے کیلئے 400 سیٹیں مانگ رہے ہیں، عام آدمی پارٹی

عام آدمی پارٹی کے سینئر لیڈر اور پارلیمنٹ کے رکن سنجے سنگھ نے کہا کہ اگر ہم جمہوریت کی بحالی چاہتے ہیں تو ہمیں بی جے پی کا راستہ روکنا ہوگا۔

اسلام ٹائمز۔ عام آدمی پارٹی نے کہا کہ بھارتیہ جنتا پارٹی (بی جے پی) اور بھارت کے وزیراعظم نریندر مودی بابا امبیڈکر کے لکھے ہوئے آئین اور لوگوں کو دئیے گئے ووٹنگ کے حق کو چھیننے کے لئے 400 سیٹوں کا مطالبہ کر رہے ہیں۔ عام آدمی پارٹی کے سینئر لیڈر اور پارلیمنٹ کے رکن سنجے سنگھ نے آج کہا کہ سیاسی پارٹیوں کے لیڈروں اور ملک کے لوگوں کے ذہنوں میں یہ احساس مسلسل مضبوط ہو رہا ہے کہ 2024ء کا الیکشن آخری الیکشن ہوگا۔ انہوں نے کہا کہ اگر اس بار مودی برسر اقتدار آئے تو یہاں پھر کبھی الیکشن نہیں ہونگے بلکہ یہاں ڈکٹیٹرشپ رائج ہوگی۔ انہوں نے کہا کہ اگر ہم جمہوریت کی بحالی چاہتے ہیں تو ہمیں بی جے پی کا راستہ روکنا ہوگا۔