اسلام ٹائمز - محمود خان اچکزئی کے وارنٹ گرفتاری جاری

جوڈیشل مجسٹریٹ کوئٹہ نے چیئرمین پشتونخوا ملی عوامی پارٹی کے وارنٹ گرفتاری جاری کئے ہیں، جوڈیشل مجسٹریٹ نے تھانہ گوالمنڈی کی ایف آئی آر نمبر 43 سال 2024ء میں وارنٹ جاری کئے ہیں۔

اسلام ٹائمز۔ چیئرمین پشتونخوا ملی عوامی پارٹی محمود خان اچکزئی کے وارنٹ گرفتاری جاری ہو گئے۔ جوڈیشل مجسٹریٹ کوئٹہ نے محمود خان اچکزئی کے وارنٹ گرفتاری جاری کئے ہیں، جوڈیشل مجسٹریٹ نے تھانہ گوالمنڈی کی ایف آئی آر نمبر 43 سال 2024ء میں وارنٹ جاری کئے ہیں۔ محمود خان اچکزئی کے صدارتی امیدوار بنتے ہی انتظامیہ نے ان کے گھر پر چھاپہ مارا تھا، چھاپے کے بعد ضلعی انتظامیہ نے محمود خان اچکزئی جو اس وقت گھر پر موجود نہ تھے کیخلاف کار سرکار میں مداخلت اور قبضے کی دفعات 447 اور 448 - 34 کے تحت مقدمہ درج کرایا تھا۔ ضلعی انتظامیہ کے اسی ایف آئی آر میں پیش نہ ہونے پر جوڈیشل مجسٹریٹ نے وارنٹ جاری کئے ہیں۔ 22 اپریل کی تاریخ میں جاری وارنٹ میں پولیس کو ہدایت کی گئی ہے کہ محمود خان اچکزئی کو گرفتار کرکے 27 اپریل کو پیش کیا جائے۔