امریکی سینٹرل کمانڈ چیف جنرل جیمز کی آرمی چیف سے ملاقات

راولپنڈی:اسلام ٹائمز۔ پاک فوج کے سربراہ جنرل اشفاق پرویز کیانی سے امریکی سینٹ کام چیف جنرل جیمز میٹس نے ملاقات کی، جس میں باہمی دلچسپی کے امور اور پیشہ ورانہ امور پر تبادلہ خیال کیا گیا۔ آئی ایس پی آر سے جاری بیان کے مطابق امریکی سینٹ کام چیف جنرل جیمز میٹس نے راولپنڈی میں آرمی چیف جنرل اشفاق پرویز کیانی سے ملاقات کی۔ باہمی دلچسپی اور پیشہ ورانہ امور، اتحادی افواج اور پاک فوج کے درمیان تعاون بڑھانے پر تبادلہ خیال کیا گیا۔ ملاقات میں پاک افغان سرحد کی صورتحال پر بھی بات ہوئی۔
دیگر ذرائع کے مطابق امریکی سینٹرل کمانڈ کے سربراہ جنرل جیمز میٹس نے جمعہ کی شب آرمی چیف جنرل کیانی سے ملاقات کی، آئی ایس پی آر کے مطابق دونوں فوجی سربراہان نے باہمی دلچسپی کے امور پر تبادلہ خیال کیا جبکہ ایساف اور پاک فوج کے مابین تعاون بہتر بنانے پر غور کیا گیا، ملاقات میں پاک افغان سرحد سے متعلق معاملات پربھی بات چیت کی گئی۔