0
Wednesday 10 Jul 2024 02:52
زندگی میں ہر طرح کی آزمائشوں کا سامنا کرنا پڑتا ہے

کچھ دوستوں کو زراعت سمجھ نہیں آئی، اب انکم ٹیکس لگانے جا رہے ہیں، آصف علی زرداری

آزادی صحافت کے ساتھ ہوں, سیلف آزادی کے ساتھ نہیں ہوں
کچھ دوستوں کو زراعت سمجھ نہیں آئی، اب انکم ٹیکس لگانے جا رہے ہیں، آصف علی زرداری
اسلام ٹائمز۔ صدر مملکت آصف علی زرداری کا کہنا ہے کہ آزادی صحافت کے ساتھ ہوں, سیلف آزادی کے نہیں۔ پروفیسر وارث میر میموریل سیمینار سے خطاب کرتے ہوئے صدر مملکت آصف علی زرداری کا کہنا تھا کہ آج پروفیسر وارث میر کی یاد تازہ کر رہا ہوں، زندگی میں ہر طرح کی آزمائشوں کا سامنا کرنا پڑتا ہے۔ انہوں نے کہا کہ سوشل میڈیا کے دور میں اپنی رائے سامنے رکھنا آسان ہے، لیکن اس میں بھی گروپنگ ہے، مجھ پر جتنی تنقید ہوئی, کسی پر نہیں ہوئی۔ آزادی صحافت کے ساتھ ہوں, سیلف آزادی کے ساتھ نہیں ہوں، آج محترمہ فاطمہ جناح کی ولادت کا دن ہے, ان کا بھی ذکر کرنا بہت ضروری ہے۔

آصف علی زرداری کا کہنا تھا کہ میں ٹی وی نہیں دیکھتا، لوگ کہتے ہیں کہ آپ ٹی وی کیوں نہیں دیکھتے تو میں کہتا ہوں کہ ہر چینل پر میری برائی ہوتی ہے، ہمارا ایمان ہے کہ ہر کسی نے اپنے وقت پر جانا ہے۔ انہوں نے کہا کہ کچھ لوگوں کو زراعت سمجھ نہیں آئی۔ اب وہ زراعت پر انکم ٹیکس لگانے جا رہے ہیں۔ ملک بنانے میں معاشی پالیسی ہی نہیں، بہت سی دیگر اشیا کی بھی ضروری ہوتی ہے۔ بڑے زمینداروں پر ٹیکس لگے گا، یہ آئی ایم ایف کی شرط ہے۔ صدر مملکت کا مزید کہنا تھا کہ بے نظیر بھٹو نے بھی پوری زندگی حالات کا مقابلہ کیا، لیکن خود کو جھکنے نہیں دیا۔
خبر کا کوڈ : 1146796
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش