نیٹو حملہ کے شہداء کی نماز جنازہ اتوار کو کرنل شیر سٹیڈیم پشاور میں ادا ہو گی

اسلام ٹائمز۔ نیٹو کے حملہ میں میجر سمیت 28 شہید اہلکاروں کی نماز جنازہ اتوار کو کرنل شیر اسٹیڈیم پشاور میں ادا ہو گی۔ یاد رہے کہ مہمند ایجنسی میں پاک افغان سرحدی علاقے سلالہ اور بتانوسر میں سکیورٹی فورسز کی دو چیک پوسٹوں پر نیٹو ہیلی کاپٹرز کی بلااشتعال شیلنگ کے نتیجے میں ایک میجر اور کیپٹن سمیت 28 اہلکار شہید ہو گئے جبکہ 15 اہلکار زخمی ہو گئے تھے۔ پاکستان نے احتجاجاً نیٹو سپلائی معطل کر دی۔ پاکستان نے واقعہ پر امریکہ سے باضابطہ احتجاج کیا ہے۔ ادھر امریکہ میں قائم مقام پاکستانی سفیر نے امریکی محکمہ خارجہ کے اہلکاروں کو جگا کر احتجاج ریکارڈ کرا دیا ہے۔ گورنر خیبر پختونخوا بیرسٹر مسعود کوثر نے واقعہ کی شدید مذمت کرتے ہوئے حملے کو پاکستان کی علاقائی خودمختاری کی پامالی قرار دیا ہے۔