0
Sunday 27 Nov 2011 21:05

علماء کی ٹارگٹ کلنگ گہری سازش ہے، اتحاد و اتفاق کا مظاہرہ ہونا چاہیئے، جماعت اسلامی

علماء کی ٹارگٹ کلنگ گہری سازش ہے، اتحاد و اتفاق کا مظاہرہ ہونا چاہیئے، جماعت اسلامی
 اسلام ٹائمز۔ کوئٹہ جماعت اسلامی بلوچستان کے قائم مقام امیر مولانا عبدالحی مندوخیل نے کہا ہے کہ بلوچستان میں برادر اقوام میں نفرتیں پھیلانے کی امریکی سازشوں کو اتحاد و اتفاق سے ناکام بنایا جائے گا صوبے میں حکومت نام کی کوئی چیز نہیں بےگناہ اور معصوم لوگوں کا قتل ہو رہا ہے انہوں نے کہا کہ امن، بقاء اور بھائی چارے کی سرزمین بلوچستان میں کوئی فرقہ واریت نہیں بلکہ امریکہ ایک منصوبے کے تحت یہاں نفرتوں کو ہوا دے کر فرقہ واریت پھیلانا چاہتا ہے۔ محرم الحرام سے قبل علماء کرام کا قتل مختلف مکاتب فکر کے عوام کو دست و گریباں کرنے کی سازش ہے ان سازشوں کو ناکام اور اتحاد و اتفاق کی راہ علماء کرام ہی ہموار کر سکتے ہیں اس وقت کفار متحد اور بدقسمتی سے امت مسلمہ تقسیم در تقسیم کا شکار ہے ضرورت اس امرکی ہے کہ عوام کو تمام تعصبات سے بالاتر ہو کر متحد کیا جائے، انہوں نے مطالبہ کیا کہ جامع مسجد صفا کے پیش امام عالم دین مولانا فیض اللہ کے قاتلوں کو گرفتار کر کے انصاف کے کٹہرے میں لایا جائے۔
خبر کا کوڈ : 117773
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش