اسلام ٹائمز۔ اورکزئی ایجنسی میں سکیورٹی فورسز کی گولہ باری کے باعث 8 دہشتگرد ہلاک جبکہ 3 ٹھکانے تباہ ہو گئے، سرکاری ذرائع کے مطابق سکیورٹی فورسز نے جمعرات کے روز اورکزئی کے علاقے ماموزئی میں شدت پسندوں کے ٹھکانوں پر بھاری توپ خانے سے گولہ باری کی، جس کے نتیجے میں 8 شدت پسند مارے گئے جبکہ دہشتگردوں کے 3 ٹھکانوں کو بھی تباہ کر دیا گیا، واضح رہے کہ فورسز کے شدت پسندوں کے خلاف گزشتہ تین ہفتوں سے جاری آپریشن کے دوران اب تک 128 دہشت گرد ہلاک ہو چکے ہیں۔