اسلام ٹائمز۔ پاکستان تحریک انصاف کے چیئرمین عمران خان نے خدشہ ظاہر کیا ہے کہ نیٹو کے انخلا کے بعد افغانستان میں خانہ جنگی شروع ہو جائے گی۔ افغانستان میں مخلوط حکومت قائم نہ کی گئی تو شدید قتل و غارت ہو گی۔ سکائی نیوز کو انٹرویو میں انہوں نے اس خطرے کا اظہار بھی کیا کہ اس بار قتل و غارت روسی انخلا کے بعد ہونے والی قتل و غارت سے زیادہ شدید ہو گی۔ پاکستان کے بارے میں انہوں نے کہا یہ انکا فرض ہے کہ وہ ملک بچانے کی کوشش کریں۔ ان کا کہنا تھا اگر مجھے یہاں رہنا ہے تو مجھے اپنے ملک کی خاطر لڑنا ہو گا، ہم پستی کی جانب جا رہے ہیں اور جب تک مجھ جیسے لوگ جن کا انحصار سیاست پر نہیں، آگے آئیں، اسکے علاوہ کوئی امید نہیں۔