نیو یارک:جنرل اسمبلی میں غزہ جنگ میں اسرائیل کے جنگی جرائم پر اقوام متحدہ کی رپورٹ پر بحث کا آغاز کر دیا گیا۔ بحث عرب ممالک کی پیش کردہ قرارداد پر شروع ہوئی جس میں اسرائیل اور فلسطین سے عالمی قوانین کی پابندی پر زور دیا گیا ہے۔ جنرل اسمبلی میں لیبیا کے سفیر علی عبدالسلام کا کہنا ہے کہ رپورٹ میں اسرائیل کی طرف سے انسانی حقوق کی سنگین خلاف ورزیوں کی نشاندہی کی گئی ہے۔ اجلاس میں اسرائیلی نمائندے نے بحث کو فضول قرار دیتے ہوئے کہا کہ اقوام متحدہ دہشت گرد گروپوں کی کارروائیوں سےچشم پوشی کر رہی ہے۔