اسلام ٹائمز۔ جنگ اور جارحیت کے نشے میں مبتلا امریکہ کو اپنے فوجیوں پر بھی اعتماد نہیں رہا، افغانستان کے غیر اعلانیہ دورے پر آئے ہوئے امریکی وزیر دفاع لیون پنیٹا کے امریکی فوجیوں سے خطاب کے دوران اس وقت دلچسپ صورتحال دیکھنے میں آئی جب خطاب سننے والے امریکی فوجیوں سے رائفلیں لے لی گئیں۔ واضح رہے کہ عام روایت یہی دیکھی گئی ہے کہ جب بھی وزیر دفاع فوجیوں سے خطاب کرتے ہیں تو فوجی اپنی رائفلز اپنے ہاتھ ہی میں رکھتے ہیں۔ چند روز قبل قندہار کے علاقے جوائی میں امریکی فوجیوں کے ہاتھوں متعدد بے گناہ شہریوں کی ہلاکت کے بعد یہ کسی بھی اعلیٰ امریکی عہدیدار کا پہلا دورہ ہے۔