اسلام ٹائمز۔ امريکا نے کہا ہے کہ پاک امريکہ تعلقات کے حوالے سے جاری پاکستانی پارليمانی بحث کے ختم ہونے کا انتظار ہے، اس کے بعد ہی نتائج کو مدنظر رکھ کوئی قدم اٹھايا جائے گا۔ امريکی محکمہ خارجہ کی ترجمان وکٹوريہ نولينڈ سے روزانہ کی ہونيوالی بريفنگ ميں صحافی نے سوال کيا کہ کيا پاکستانی حکام سے ہونيوالی ملاقاتوں کے حوالے سے يہ اخذ کيا جاسکتا ہے کہ پاک امريکہ تعلقات کے بارے ميں بات چيت دوبارہ شروع ہو گئی ہے اور پاک امريکہ تعلقات ميں آنے والا تعطل ختم ہو گيا ہے۔ اس کے جواب ميں وکٹوريہ نولينڈ کا کہنا تھا کہ ہم پاک امريکہ تعلقات کے بارے ميں پاکستانی پارليمنٹ ميں جاری بحث کے نتائج کا انتظار کر رہے ہيں جس کے بعد ہی کوئی پيشرفت ممکن ہو سکے گی۔