اسلام ٹائمز۔ کوئٹہ میں ایک مرتبہ پھر ٹارگٹ کلنگ کا واقعہ پیش آیا ہے، جہاں میکانگی روڈ پر ایک میڈیکل سٹور میں بیٹھے ذاکر حسین بلتستانی اور علی اکبر بلتستانی پر دہشت گردوں نے اندھا دھند فائرنگ کردی، جسکے نتیجے میں دونوں موقع پر ہی شہید ہوگئے، دونوں نعشوں کو سول ہسپتال منتقل کر دیا گیا ہے۔ دوسرا واقعہ اسپنی روڈ پر پیش آیا، جہاں ایک مرتبہ پھر ہزارہ قبیلہ سے تعلق رکھنے والے شخص کی ٹیکسی پر فائرنگ کی گئی۔ فائرنگ سے ایک شخص کے زخمی ہونے کی اطلاعات ہیں، جبکہ ٹیکسی میں موجود باقی افراد محفوظ رہے۔