اسلام ٹائمز۔ حساس اداروں کی کارروائی، 150 افراد کو ٹارگٹ کرنے والا کلر 7 ساتھیوں سمیت گرفتار، اورنگی ٹاؤن، قصبہ، پہاڑ گنج، سرجانی، گلستان جوہر میں کاروائیاں کیں، سیاسی جماعت کا کارکن ہے۔ انتہائی معتبر ذرائع سے ملنے والی اطلاعات کے مطابق حساس اداروں نے شادمان ٹاؤن میں کارروائی کرکے شہر قائد کے خطرناک ٹارگٹ کلر عاصم عرف کالا کو گرفتار کرکے اس کی نشاندہی پر گلستان جوہر، اورنگی، شادمان، سرجانی سے اس کے 7 ساتھیوں کو گرفتار کرکے تفتیش کے لئے نامعلوم مقام پر منقل کردیا۔

ذرائع کا کہنا ہے کہ ملزم نے دوران تفتیش اپنے ساتھیوں کے ہمراہ کٹی پہاڑی، سرجانی، اورنگی، قصبہ، جوہر، نیو کراچی، نارتھ کراچی میں 150 سے زائد افراد کو ٹارگٹ کرکے قتل کرنے کا اعتراف کیا ہے۔ ملزمان سے تفتیش جاری ہے۔ مزید سنسنی خیز انکشافات متوقع ہیں۔

اسلام ٹائمز