اسلام ٹائمز۔ متحدہ قومی موومنٹ کی رابطہ کمیٹی نے توہین عدالت کیس میں سپریم کورٹ کے فیصلے پر صلاح مشورے کیلئے اپنے آئینی و قانونی ماہرین کا اجلاس طلب کرلیا ہے۔ تفصیلات کے مطابق اپنے ایک بیان میں رابطہ کمیٹی نے کہا کہ توہین عدالت کیس میں سپریم کورٹ کی جانب سے وزیراعظم یوسف رضا گیلانی کی سزا کا معاملہ انتہائی اہم اور حساس ہے اور اس پر آئین و قانون کی روشنی میں ہی بات کی جاسکتی ہے لہٰذا ایم کیو ایم نے اس سلسلے میں اپنے آئینی و قانونی ماہرین کا اجلاس طلب کرلیا ہے جن کے ساتھ صلاح مشورے بعد پارٹی کا مؤقف بیان کیا جائے گا۔