اسلام ٹائمز۔ قائمقام چیف الیکشن کمشنر جسٹس شاکر اللہ جان نے کہا ہے کہ وزیراعظم کے خلاف توہین عدالت کیس کا مختصر فیصلہ موصول ہو گیا ہے۔ پارلیمنٹ اور الیکشن کمیشن دو آئینی ادارے ہیں، وزیراعظم سے متعلق تفصیلی فیصلہ موصول ہونے کے بعد آئین اور قانون کے مطابق کارروائی عمل میں لائی جائے گی۔ انہوں نے کہا کہ غلطیوں سے پاک انتخابی فہرستیں صاف و شفاف انتخابات کیلئے ضروری ہیں۔ کمیشن کا عملہ کم ہے، فہرستوں کی تیاری اور انتخابات کے انعقاد میں دیگر اداروں کا تعاون ضروری ہوگا۔ سیمینار میں ملک بھر کے الیکشن کمیشن کے عہدیداران، نادرا اور شماریات کے حکام نے بھی شرکت کی۔