تہران:ایران نے خبردار کیا ہے کہ اگر روس نے میزائل شکن دفاعی نظام کی فراہمی سے متعلق معاہدے کی پاسداری نہ کی تو وہ اس کے خلاف قانونی چارہ جوئی کرے گا۔ایران کا کہنا ہے کہ S 300 میزائل نظام کی فراہمی کا معاملہ ایک بین الاقوامی معاہدے کا حصہ ہے جس پر عمل درآمد کے لیے عالمی اداروں سے رابطہ کیا جائے گا۔ایران کا خیال ہے کہ امریکہ اور اسرائیل نہیں چاہتے کہ روس، ایران کو یہ میزائل شکن نظام فراہم کرے۔دوسری طرف روس کا اصرار ہے کہ اس کا طرزِ عمل بین الاقوامی قوانین کے عین مطابق ہے۔ایران کا دعویٰ ہے کہ وہ S 300 طرز کا دفاعی نظام خود بھی تیار کر سکتا ہے۔