صوابی میں ایک اور گورنمنٹ گرلز اسکول کو دھماکہ خیز مواد سے اڑا دیا گیا

اسلام ٹائمز۔ خیبر پختونخوا کے ضلع صوابی میں تعلیم دشمن عناصر نے گورنمنٹ گرلز اسکول کو دھماکا خیز مواد سے تباہ کر دیا۔ پولیس کے مطابق واقعہ صوابی میں میاں ڈھیری کے علاقے میں پیش آیا، جہاں رات گئے نامعلوم شدت پسندوں نے گورنمنٹ گرلز اسکول کی عمارت کو نصب شدہ بارودی مواد سے تباہ کردیا، دھماکے کے نتیجے میں کوئی جانی نقصان نہیں ہوا تاہم اسکول کی عمارت کو جزوی نقصان پہنچا ہے۔