اسلام ٹائمز۔ چیف جسٹس پشاور ہائی کورٹ جسٹس دوست محمد خان نے کہا ہے کہ ملک حکمرانوں کی عیاشی کا متحمل نہیں ہوسکتا، 50 فیصد حکومتی اخراجات کم کرکے عوام کو سہولیات کا مکمل پیکیج دیا جاسکتا ہے۔ پشاور میں منعقدہ عدالتی عملے کی تقریب سے خطاب کرتے ہوئے جسٹس دوست محمد خان نے کہا ہے کہ ملک وزیر اعظم سے لیکر صدر مملکت تک تمام اداروں کے سربراہان کو عوام کی مشکلات اور مسائل کا احساس کرنا چاہئے۔ اگر پچاس فیصد اخراجات کم کئے جائیں تو عوام کو سہولیات کا مکمل پیکج دیا جاسکتا ہے۔ جسٹس دوست محمد کا کہنا تھا کہ ملک کو بیرونی اور اندرونی سازشوں کا سامنا ہے۔ اور ہمیں ہر قسم کی قربانی کے لئے تیار رہنا چاہئے۔ انہوں نے کہا کہ ہم خود احتسابی سے مسائل حل کرسکتے ہیں۔