اسلام ٹائمز۔ شمالی وزیرستان کے علاقے میران شاہ میں امریکی جاسوس طیاروں نے رات اڑھائی بجے کے قریب حملہ کیا اور ایک مکان پر دو میزائل فائر کیے۔ حملے میں چار افراد جاں بحق جبکہ متعدد زخمی ہو گئے۔ امریکی جاسوس طیاروں کی تعداد ۵ تھی جو ایک گھنٹے تک علاقے میں نچلی پروازٰیں کرتے رہنے کے بعد واپس لوٹ گئے۔ ڈرون حملے کے بعد علاقے میں شدید خوف وہراس پایا جاتا ہے جبکہ اہل علاقہ اپنے گھروں میں محصور ہو کر رہ گئے ہیں۔ یاد رہے کہ شکاگو میں ہونے والی نیٹو کانفرنس کے بعد پاکستانی سرزمین پر امریکی جاسوس طیاروں کا یہ پہلا حملہ ہے۔ جاسوس طياروں کی پروازوں کی وجہ سے شہريوں ميں خوف و ہراس ہے اور امدادی کارروائياں شروع نہيں کی جا سکی ہيں۔