خیبر پختونخوا حکومت نے غیر سرکاری رویت ہلال کمیٹیوں پر پابندی کی تجویز مسترد کردی

اسلام ٹائمز۔ ملک بھر میں ایک ہی دن روزہ اور عید منانے کے حوالے سے خیبر پختونخوا میں غیر سرکاری رویت ہلال کمیٹیوں پر پابندی عائد کرنے کی تجاویز صوبائی حکومت کو دی گئی ہیں۔ تاہم صوبائی حکومت نے غیر سرکاری رویت ہلال کمیٹیوں پر پابندی عائد کرنے کی تجویز کو مسترد کر دیا ہے۔ صوبائی وزارت مذہبی امور کے ذرائع کے مطابق خیبر پختونخوا حکومت نے صوبے میں ایک ہی دن روزہ اور عید کرنے کے حوالے سے گزشتہ سال اپنی سفارشات وفاق کو ارسال کی تھیں۔ جس میں کہا گیا تھا کہ صوبے کو اس سلسلے میں اعتماد میں لیا جائے۔ مرکزی رویت ہلال کمیٹی نے پشاور سمیت صوبہ بھر میں قائم غیر سرکاری رویت ہلال کمیٹیوں کے فیصلوں کو ماننے سے پہلے سے ہی انکار کیا تھا۔