اسلام ٹائمز۔ صدر مملکت آصف علی زرداری نے بجلی گھروں کو فرنس آئل کی فراہمی کو یقینی بنانے کی ہدایت کی ہے۔ اس ضمن میں صدارتی کیمپ آفس بلاول ہاؤس میں صدر مملکت کی زیر صدارت اجلاس ہوا۔ اجلاس میں وزیر پانی و بجلی احمد مختار نے بریفنگ دی۔ صدر مملکت نے اس موقع پر ہدایت کی کہ رمضان المبارک میں بجلی کی لوڈشیڈنگ کے مکمل خاتمے کے لئے اقدام کئے جائیں۔ صدر مملکت نے اس موقع پر کہا کہ حکومت توانائی کا بحران حل کرنے پر کوششوں میں لگی ہوئی ہے۔

اس موقع پر صدر نے ہدایت کی کہ بجلی گھروں کو فرنس آئل کی فراہمی یقینی بنائی جائے۔ اجلاس میں وزیر اعلی وزرا اور دیگر افراد شریک ہوئے۔ ذرائع کے مطابق چوہدری احمد مختار نے بریفنگ دیتے ہوئے بتایا کہ انہوں نے جب وزارت کا قلمدان سنبھالا تھا تو نیشنل گرڈ میں 8 ہزار میگا واٹ بجلی تھی تاہم اب بڑھ کر 14 ہزار میگا واٹ بجلی سسٹم میں آگئی ہے۔

اسلام ٹائمز