اسلام ٹائمز۔ قراقرم انٹرنیشنل یونیورسٹی کی ڈین نیچرل سائنسز پروفیسر ڈاکٹر عقیلہ اسلام نے اپنے بیان میں کہا ہے کہ نیچرل اینڈ ارتھ سائنسز کی بہتری کیلئے وہ دن رات کوشاں ہیں اور اس سلسلے میں ان کو وائس چانسلر پروفیسر ڈاکٹر نجمہ نجم کی ہر طرح کی رہنمائی اور معاونت حاصل ہے۔ یونیورسٹی میں مناسب ماحول پیدا کرنے، فیکلٹی کی پیشہ وارانہ صلاحیتوں اور معیار کو بلند کرنے نیز طلبہ و طالبات کیلئے تدریسی عمل اور نصاب کو جدید خطوط پر استوار کرنے کیلئے کوئی دقیقہ فروگزاشت نہیں کیا جارہا ہے۔

ان کا کہنا تھا کہ مختلف ملکی و بین الاقوامی اداروں سے مالی، فنی و تربیتی بنیادوں پر تعلقات استوار کئے جاچکے ہیں جو مختلف تربیتی ورکشاپس اور سیمینار کا انعقاد کرنے کے ساتھ ساتھ تحقیقی کاموں میں قراقرم یونیورسٹی کی معاونت کر رہے ہیں۔ نیز اعلیٰ تعلیم کے حصول کیلئے قراقرم انٹرنیشنل یونیورسٹی کے طلبہ و طالبات کے لئے اسکالر شپس فراہم کی جارہی ہیں۔

اسلام ٹائمز