ماہ مبارک رمضان میں دہشتگردی کے خاتمے اور اتحاد و اتفاق کیلئے کردار ادا کیا جائے، علماء کرام

اسلام ٹائمز۔ بلوچستان کے دارالحکومت کوئٹہ میں نماز جمعہ کے موقع پر مساجد اور امام بارگاہوں کے باہر سیکورٹی کے سخت اقدامات کئے گئے تھے۔ جبکہ خطبات جمعہ میں علماء کرام نے رمضان المبارک کی آمد پر استقبالی کلمات ادا کرتے ہوئے امت مسلمہ پر زور دیا کہ وہ اس مقدس مہینے میں اتحاد و اتفاق کو فروغ دے اور دہشتگردی کے خاتمے کیلئے کردار ادا کیا جائے۔ رمضان المبارک تمام مہینوں میں مقدس مہینہ ہے، امت مسلمہ کو چاہیے کہ وہ اس بابرکت مہینے میں اپنے درمیان اتفاق و اتحاد قائم کرے اور دہشتگردی کے خاتمے کیلئے بھرپور کردار ادا کرے۔