اسلام ٹائمز۔ افغانستان میں مسافر بس پر ریمورٹ کنٹرول بم حملے میں 9 افراد ہلاک ہو گئے۔ پولیس چیف جنرل ایوب کے مطابق افغانستان کے دارالحکومت کابل میں طالبان کی جانب سے مسافر بس پر حملہ کیا گیا، جس کے نتیجے میں 9 افراد ہلاک اور ایک شخص زخمی ہوگیا۔ پولیس کے مطابق حملے میں ہلاک ہونے والے تمام مرد ہیں، بس پر حملہ کرنے والے شخص کو گرفتار کرلیا گیا ہے۔ تاہم اب تک کسی عسکریت پسند گروپ نے حملے کی ذمہ داری قبول نہیں کی ہے۔