اسلام ٹائمز۔ پاکستان تحریک انصاف کے مرکزی وائس چیئرمین مخدوم شاہ محمود قریشی نے کہا کہ چند دنوں کے مہمان وزیراعظم معاشی بدحالی کا تذکرہ کرتے سنائی دیتے ہیں، ملتان میں افطار ڈنر سے خطاب کرتے ہوئے انہوں نے کہا کہ حکومتی وزرا نوکریاں فروخت کرنے اور کرپشن کا ذکر کر رہے ہیں۔ سحر اور افطار کے اوقات میں لوڈشیڈنگ نہ کرنے کے بیانات پر کوئی عمل نہیں ہو رہا، شاہ محمود قریشی نے کہا کہ کاشتکاروں پر بجلی کے اضافی بلوں کی مذمت کرتے ہیں، پیپلز پارٹی اور ق لیگ کے درمیان اتحاد مصنوعی ہے، جو مزید نہیں چل سکتا۔