QR Code

ایران کا جوہری پروگرام پرامن ہے: محمد البرادعی

27 Jan 2010 17:44

جوہری توانائی کی بین الاقوامی ایجنسی (آئی اے ای اے) کے سابق سربراہ محمد البرادعی نے ایک بار پھر ایران کے ایٹمی پروگرام کے پرامن ہونے پر زور دیا ہے۔ محمد البرادعی نے امریکی۰۰۰

جوہری توانائی کی بین الاقوامی ایجنسی (آئی اے ای اے) کے سابق سربراہ محمد البرادعی نے ایک بار پھر ایران کے ایٹمی پروگرام کے پرامن ہونے پر زور دیا ہے۔ محمد البرادعی نے امریکی جریدے فارن پالیسی سے گفتگو کرتے ہوئے کہا کہ 2007ء میں امریکی انٹیلی جنس سروسز کی رپورٹوں نے ہمارے نتائج کی تائید کرتے ہوئے اعلان کیا تھا کہ ایران ایٹمی ہتھیار نہیں بنا رہا ہے۔ انہوں نے کہا کہ جب 2005ء میں ہم نے کہا تھا کہ ہمارے پاس کوئی ثبوت نہیں ہے تو صحیح کہا تھا۔ البرادعی نے امریکہ کے سابق صدر بش کے ساتھ اپنے اختلافات کی تصدیق کی اور کہا کہ بش حکومت کے ساتھ کام کرنا آسان نہیں تھا کیونکہ بش حکومت کہتی تھی کہ ایران ایٹمی ہتھیار بنانے کی کوشش کر رہا ہے اور جب ہم نے کہا کہ اس کے بارے میں کوئی ٹھوس ثبوت نہیں ہے تو اعلیٰ امریکی عہدیداروں کی جانب سے ہماری غیر جانبداری پر سوالات اٹھائے گئے۔

خبر کا کوڈ: 19400