QR Code
میرواعظ عمر فاروق بین الاقوامی انسانی حقوق اجلاس میں شرکت کے لئے جنیوا روانہ
17 Sep 2012 00:01
اسلام ٹائمز: کل جماعتی حریت کانفرنس (م) کے چیئرمین وہاں جموں و کشمیر میں جاری انسانی حقوق کی سنگین خلاف ورزیوں خاص طور پر ہزاروں گمنام قبروں کی دریافت کے سلسلے میں مندوبین کو تفصیلی طور پر آگاہ کریں گے۔
اسلام ٹائمز۔ جنیوا میں جاری بین الاقوامی حقوق انسانی اجلاس میں شرکت کیلئے میرواعظ مولوی محمد عمر فاروق سرینگر سے نئی دہلی روانہ ہوگئے، جموں و کشمیر کل جماعتی حریت کانفرنس (م) کے چیئرمین میرواعظ محمد عمر فاروق جو دہلی سے جنیوا کیلئے روانہ ہونگے، جہاں موصوف بین الاقوامی حقوق انسانی کے 21ویں اجلاس میں شرکت کریں گے۔ میرواعظ وہاں جموں و کشمیر میں جاری انسانی حقوق کی سنگین خلاف ورزیوں خاص طور پر ہزاروں گمنام قبروں کی دریافت کے سلسلے میں آج تک کوئی پیشرفت نہ ہونے، گمشدہ افراد کی بازیابی کے سلسلے میں حکومتی سطح پر کوئی موثر کارروائی نہ کرنے، جیلوں اور عقوبت خانوں میں کشمیری قیدیوں کو عدالتی احکامات کے باوجود رہا نہ کرنے اور انہیں بین الاقوامی قوانین کے تحت طبی اور دیگر سہولیات فراہم نہ کرنے کے سبب انکی صحت و سلامتی کو لاحق خطرات سے مندوبین کو تفصیلی طور پر آگاہ کریں گے اور اس سلسلے میں ان سے انکے فرائض اور ذمہ داریاں پوری کرنے کی اپیل کریں گے۔
خبر کا کوڈ: 195957