میونخ:چین نے کہا ہے کہ ایران نے مذاکرات کا دروازہ بند نہیں کیا۔جوہری مسئلے کو سفارتکاری کے ذریعے بہتر انداز میں حل کیا جاسکتا ہے جبکہ ایرانی وزیر خارجہ منوچہر متقی نے میونخ میں اپنے جرمن ہم منصب سے ملاقات کی،جس میں ایرانی جوہری مسئلے پر بات چیت کی گئی۔جرمنی کے شہر میونخ میں سیکورٹی کانفرنس کے موقع پر اپنے خطاب میں چینی وزیر خارجہ یانگ جے ژی نے کہا کہ ایران نے آئی اے ای اے کی پیشکش پر بات چیت کیلئے اپنے دروازے بند نہیں کئے،خلیج فارس اور مشرق وسطیٰ میں قیام امن کیلئے سفارت کاری اور بات چیت کا راستہ اپنانے سے مسئلے کا بہتر حل سامنے آسکتا ہے۔