اسلام ٹائمز۔آئی جی سندھ فیاض لغاری کا کہنا ہے کہ گزشتہ 2 روز کے دوران پولیس اور رینجرز نے کامیاب چھاپے مارے ہیں، کالعدم تنظیموں کے 10 کارکنوں کو گرفتار کیا گیا، امید ہے کے محرم کے مہینے میں حالات قابو میں رہیں گے۔ آئی جی سندھ فیاض لغاری نے گارڈن ہیڈ کوارٹر میں ڈیجیٹل کمپیوٹرائزڈ لیب کا افتتاح کرتے ہوئے کہا کہ پچھلے 2 دنوں میں پولیس اور رینجرز شہر کے 68 علاقوں میں کامیاب چھاپے مارے ہیں، جس کے نتیجے میں کالعدم تنظیموں کے 10 کارکنان گرفتار کئے گئے ہیں۔ انہوں نے امید ظاہر کی کہ محرم الحرام کیلئے سیکیورٹی پلان ترتیب دے دیا گیا ہے اور توقع ہے کوئی ناخوشگوار واقعہ پیش نہیں آئے گا۔ فیاض لغاری نے شہریوں سے اپیل کی کہ وہ کسی علاقے میں کوئی مشکوک کارروائی دیکھیں تو فوراً پولیس کو مطلع کریں جس سے پولیس کو بھی مدد ملے گی۔

اسلام ٹائمز