بیجنگ:چین نے کہا ہے کہ ایران کے جوہری تنازعے کے پرامن سفارتی حل کی گنجائش اب بھی موجود ہے۔ چینی وزارت خارجہ کے ترجمان کن گانگ نے بیجنگ میں میڈیا سے گفتکو کرتے ہوئے کہا کہ عالمی طاقتیں ایران پر مزید اقتصادی پابندیاں لگانے سے پہلے جوہری تنازعے کو مذاکرات کے ذریعے حل کریں۔
دوسری جانب ایرانی ایٹمی توانائی ادارے کے سربراہ علی اکبر صالحی نے تہران میں فرانسیسی خبر رساں ایجنسی کو بتایا کہ ایران عالمی ایٹمی توانائی ایجنسی کے سربراہ یوکیا امانوں کی اس بیان کو مسترد کرتا ہے کہ تہران جوہری پروگرام خفیہ ہے۔ایران نے جوہری پروگرام کے حوالے سے عالمی ایٹمی توانائی ایجنسی کے سربراہ کے بیان کو متعصبانہ قرار دیا ہے۔