اسلام ٹائمز۔ مجلس وحدت مسلمین ملتان کے ضلعی سیکرٹری جنرل علامہ اقتدار حسین نقوی نے کہا ہے کہ جنوبی پنجاب میں عشرہ محرم الحرام کے دوران بھی بعض مقامات پر پنجاب کی معتصب حکومت نے جلوس عزاء میں رُکاوٹ ڈالنے کی کوشش کی، پنجاب حکومت دہشت گردوں کی معاونت کر رہی ہے، جس کے بل بوتے پر وہ دندناتے پھرتے ہیں اور دہشت گردانہ کارروائیاں کرتے ہیں۔ ایم ڈبلیو ایم ملتان کے ضلعی آفس سے جاری بیان کے مطابق علامہ اقتدار حسین نقوی کا مزید کہنا تھا کہ جھنگ میں مجلس وحدت مسلمین کے ضلعی سیکرٹری جنرل علامہ اظہر کاظمی کی گرفتاری، عبدالحکیم میں دو سو سے زائد مومنین پر مقدمے کا اندارج، لیہ میں جلوس عزاء میں رکاوٹ اور کوٹ سمابہ میں ماتمی جلوس پر فائرنگ پنجاب حکومت کی بدنیتی کا نتیجہ ہے۔