آئی ایس او پارا چنار کے زیر اہتمام شب بیداری کا اہتمام

اسلام ٹائمز۔ امامیہ اسٹوڈنٹس آرگنائزیشن پارا چنار کے زیر اہتمام پارا چنار کے گاوں ذیڑان میں شب بیداری کا اہتمام کیا گیا، جس میں امامیہ طلباء کے علاوہ سابق عہدیداروں کی بھی کثیر تعداد نے شرکت کی، اس موقع پر دعا و مناجات کا اہتمام کیا گیا، اس کے علاوہ ایام عزاء، یوم حسین (ع) اور آمدہ موسم سرما کی تعطیلات کے پس منظر میں تنظیمی امور کا جائزہ لیا گیا اور منصوبہ بندی کی گئی، آئی ایس او پشاور ڈویژن کی جانب سے پارا چنار یونٹ کی نگران کمیٹی کے انچارج مرتضیٰ حسین نے خطاب کرتے ہوئے امامیہ طلباء کی ذمہ داریوں پر روشنی ڈالی۔