اسلام ٹائمز۔ بلتستان کے ملازمین کے لئے ایکس پاکستان چھٹی کا نظام بلتستان ریجن میں ہی کیا جائے، گلگت میں ہونے سے پریشانی کا سامنا کرنا پڑتا ہے۔ تفصیلات کے مطابق زیارات مقدسہ اور حج کی زیارات کیلئے جانے والے سرکاری ملازمین کے لئے ضروری ہے کہ وہ ایکس پاکستان لیو حاصل کریں لیکن بلتستان کے زیارات اور عمرہ کیلئے جانے والے سرکاری ملازمین کو ایکس پاکستان لیو لینے کا نظام بلتستان میں نہیں بلکہ اس کیلئے انہیں گلگت جانا پڑتا ہے جس سے انہیں مشکلات پیش آتی ہیں۔ خصوصاً محکمہ تعلیم میں ملازمت کرنے والے ملازمین جو عمرہ اور زیارت کیلئے جانے والے ہیں انہیں پریشانی درپیش آرہی ہے۔ انہوں نے میڈیا سے گفتگو کے دوران مطالبہ کیا ہے کہ بلتستان ریجن ڈائریکٹریٹ میں یہ نظام نافذ کیا جائے۔

اسلام ٹائمز