خود کش بمبارکی عمر 20 سے 22 سال کے درمیان تھی

اسلام ٹائمز۔ سانحہ ڈھکی نعلبندی میں خود کو دھماکے سے اڑانے والے بمبار کا سر اور ٹانگیں محفوظ رہیں جس سے خود کش حمل آور کی شناخت میں آسانی پیدا ہوگئی ہے۔ خود کش بمبار کے سر اور ٹانگوں سے پولیس نے ابتدائی طور پر یہ اندازہ لگایا ہے کہ خود کش بمبار کی عمر 20 سے لیکر 22 سال کے درمیان تھی۔ جبکہ اسکے پاؤں میں نئی چپلی اور سفید رنگ کی نئی جرابیں پہنی ہوئی تھیں۔ پولیس ذرائع کے مطابق شکل و صورت سے بھی خود کش بمبار وزیرستان کا لگتا تھا تاہم اسکے بال بڑے نہ تھے نہ ہی داڑھی تھی۔ پولیس نے بتایا کہ بمبار کی مسخ شدہ لاش پر مزید تحقیق کی جارہی ہے جس سے مزید معلومات بھی مل سکتے ہیں۔