ملتان، ڈرون حملوں کیخلاف متحدہ شہری محاذ کی احتجاجی مظاہرہ

اسلام ٹائمز۔ متحدہ شہری محاذ کے زیراہتمام ڈرون حملوں کے خلاف چونگی نمبر9پراحتجاجی مظاہرہ کیا گیا۔ اس موقع پر احتجاجی مظاہرے کے شرکائ نے حکومت، امریکہ، اسرائیل اور بھارت کے خلاف شدید نعرہ بازی کی اور امریکی پرچم بھی نذرآتش کیا۔ اس موقع پراحتجاجی مظاہرے کے شرکاء سے خطاب کرتے ہوئے متحدہ شہری محاذ کے صدراور پاکستان تحریک انصاف کے رہنما طارق نعیم اللہ خان کا کہنا تھا کہ امریکی ڈرون حملوں کی وجہ سے ملک دہشت گردی کا شکار ہے۔ دہشتگردوں کو امریکہ، انڈیا اور اسرائیل کی پشت پناہی حاصل ہے۔ حکومت کی جانب سے ڈرون حملوں پر خاموشی بے غیرتی کے مترادف ہے۔ پاکستان کی مسلسل فضائی حدود کی خلاف ورزی میں حکومت برابر کی شریک ہے۔