جی ایم سکندر کے آئی یو کی سینیٹ کی چیئرمین شپ سےمستعفی

اسلام ٹائمز۔ اسکردو سے تعلق رکھنے والے سابق سیکرٹری اور ڈپٹی پرائم منسٹر چودھری پرویز الہیٰ کے کو آرڈینیٹر جی ایم سکندر نے قراقرم انٹرنیشنل یونیورسٹی گلگت کی سینیٹ کے چیئرمین کے عہدے سے استعفیٰ دے دیا ہے۔ انہوں نے اپنا استعفیٰ صدر پاکستان آصف علی زرداری جو کہ یونیورسٹی کے چانسلر ہیں کو بھجوا دیا ہے۔ استعفیٰ میں کہا گیا ہے کہ چونکہ وہ  ڈپٹی پرائم منسٹر کے ساتھ ایک اہم ذمہ داری نبھا رہے ہیں، اس لیے وہ یہ سمجھتے ہیں کہ وہ کماحقہ یونیورسٹی کے فرائض کو احسن طریقے سے نہیں نبھا سکتے جبکہ ذرائع کے مطابق ان کا مؤقف تھا کہ قراقرم یونیورسٹی کے اندرونی حالات ایسا رخ اختیار کرگئے ہیں کہ میں بلکل بے دست و پا ہوگیا ہوں اور کچھ نہیں کرسکا تو چیئرمین شپ سے استعفیٰ دینے کا فیصلہ کیا ہے۔