اسلام ٹائمز۔ مجلس وحدت مسلمین پاکستان کراچی ڈویژن کے زیر اہتمام نشتر پارک میں منعقدہ جشن عید میلاد النبی (ص) و عظمت مصطفیٰ (ص) کانفرنس کے اجتماع سے خطاب کرتے ہوئے مجلس وحدت مسلمین پاکستان کے مرکزی سیکرٹری امور جوانان علامہ اعجاز بہشتی نے کہا کہ حقیقی معنوں میں جشن رسول (ص) منانے کا حق ان عاشقان رسول (ص) کیلئے ہے جو عاشورہ اور محرم کو ماتم کرتے ہیں، جو رسول اسلام (ص) سے محبت اور حقیقت میں اسلام دشمنوں کے ساتھ نفرت کی علامت ہے، عاشقان رسول (ص) اللہ پاکستان کی سرزمین سے دہشت گردوں کا خاتمہ کرکے پاک سرحدوں کی حفاظت کو یقینی بنائیں گے۔

علامہ اعجاز بہشتی نے کہا کہ خوف و ہراس کو ختم کرنا ہو گا اور صبر و استقامت کو فروغ دینا ہو گا، وحدت اور اخوت کے سائے میں ہر ظالم و جابر کا قلع قمع کرنا ہی رسالت سے وفاداری ہے، ہمیں ظلم کے خلاف آواز بلند کرنا ہے، یہ وہ درس ہے جو مکتب جعفریہ نے نوع بشریت کی حریت کیلئے پیش کیا ہے ہم نے عشق رسول (ص) میں اپنے جوانوں کی قربانیاں پیش کی ہیں اور اس وقت تک میدان میں رہیں گے جب تک گستاخ رسول (ص) صفحہ ہستی سے مٹ نہ جائیں، شہید علی رضا تقوی (رہ) مکتب تشیع کا وہ ہدیہ ہے جو ہم نے محضر ناموس رسالت (ص) میں پیش کیا ہے۔

اسلام ٹائمز