اسلام ٹائمز۔ دنیا بھر کی طرح کرم ایجنسی کے صدر مقام پارا چنار میں بھی سالگرہ انقلاب اسلامی بھرپور طریقے سے منائی گئی۔ پارا چنار سمیت مضافاتی دیہات و قصبوں کی مساجد و امام بارگاہوں میں بھی تقاریب کا انعقاد کیا گیا۔ مختلف ملی و علاقائی تنظیموں تحریک حسینی، آئی ایس او ،آئی او، انصار الحسین اور مجلس علمائے اہلبیت (ع) کے زیر اہتمام اپنے اپنے دفاتر میں سالگرہ انقلاب اسلامی کے حوالے سے پروگرامات کے انعقاد کے علاوہ پارا چنار شہر میں جگہ جگہ انقلاب اسلامی، امام خمینی (رح) اور رہبر معظم سید علی خامنہ ای کے فرامین و تصاویر آوایزں کی گئیں۔ جن پر یہ پیغامات کہ ’’انقلاب اسلامی انقلاب امام مہدی (عج) کا مقدمہ اور دنیا بھر کے مظلومین و مستضعفین کے لئے امید کی کرن ہے‘‘۔ جیسے پیغامات درج ہیں۔