اسلام ٹائمز۔ پاکستان نے بیلسٹک میزائل حتف 4 شاہین ون کا کامیاب تجربہ کیا ہے۔ میڈیا نیوز کے مطابق 900 کلو میٹر تک مار کرنے والا حتف 4 جوہری اور روایتی ہتھیار لے جانے کی صلاحیت رکھتا ہے۔
نامعلوم مقام سے فائر کیے جانے والے میزائل نے کامیابی کے ساتھ سمندر میں موجود ہدف کو نشانہ بنایا۔ اس موقع پر جنرل اسٹریٹجک پلانز ڈویژن لیفٹینٹ جنرل ریٹائرڈ خالد احمد قدوائی، نیسکام کے چیئرمین عرفان برنی، سینئر فوجی حکام، سائنسدان اور انجینئرز بھی موجود تھے۔