اسلام ٹائمز۔ بھٹو ازم آج بھی پاکستان میں طاقت رکھتاہے، بے نظیر بھٹو اور قائد عوام کے نظریہ کو آج بھی پاکستان میں پزیرائی حاصل ہے۔ ان خیالات کا اظہار پاکستان پیپلز پارٹی کی امیدوار اور سابق اسپیکر قومی اسمبلی ڈاکٹر فہمیدہ مرزا نے صحافیوں سے بات چیت کرتے ہوئے کیا۔ انہوں نے کہا کہ قائد عوام نے روٹی، کپڑا اور مکان کا نعرہ دیا اور عوام کے لئے اپنی جان دے دی جبکہ ان ہی کے نقش قدم پر چلتے ہوئے ان کی صاحبزادی اور ہماری قائد بے نظیر بھٹو نے بھی اپنی جان قربان کرکے ثابت کردیا کہ بھٹو خاندان عوام کے لئے جیا اور انہی کے لیے شہید ہوا۔ انہوں نے کہا کہ بدین پی پی پی کا مضبوط قلعہ ہے اوراس ضلع کے عوام نے ہمیشہ پیپلز پارٹی کو ہی ووٹ دیئے ہیں، اس بار بھی عوام ہمارا ہی ساتھ دیں گے۔

اسلام ٹائمز