اسلام ٹائمز۔ پاسبان پاکستان کے جنرل سیکریٹری عثمان معظم نے کہا ہے کہ طالبان سے مذاکرات کرکے پاکستان کو دہشت گردی کے خلاف نام نہاد جھوٹی جنگ سے باہر نکلنے کا موقع ضائع نہیں کرنا چاہیے، ملک میں امن قائم کرنے کے لیے طالبان سے مذاکرات ہی سب سے بہترین آپشن ہے۔ ان خیالات کا اظہار انہوں نے میڈیا سیل کی جانب سے جاری کردہ ایک بیان میں کیا۔ عثمان معظم کا کہنا تھا کہ مذاکرات کے عمل سے طالبان کے نام پر دہشت گردی کرنے والے عناصر بے نقاب ہوجائیں گے۔ انہوں نے کہا کہ اگر امریکا اور نیٹو ممالک اپنی سلامتی کے لیے طالبان سے مذاکرات کرسکتے ہیں تو پاکستانی حکومت کیوں نہیں کرسکتی۔ افغانستان پر امریکی و نیٹو افواج کا غاصبانہ قبضہ اور لاکھوں معصوم افغانوں کا قتل عام ہی خطے میں بدامنی کا سبب ہے۔

اسلام ٹائمز