QR Code
پی ٹی آئی کے رہنما ظہیرالدین کا علامہ اقتدار نقوی سے رابطہ، تعاون کرنے پر شکریہ ادا کیا
29 May 2013 22:49
اسلام ٹائمز: پاکستان تحریک انصاف کے نومنتخب ممبر صوبائی اسمبلی پنجاب نے ایم ڈبلیو ایم ملتان کے سیکرٹری جنرل سے ٹیلیفونک گفتگو کرتے ہوئے کہا کہ مجلس وحدت مسلمین کی حمایت اور تعاون سے میری کامیابی ممکن ہوئی۔ ملتان واپس آکر جلد ملاقات کروں گا۔
اسلام ٹائمز۔ مجلس وحدت مسلمین (ملتان) کے حمایت یافتہ اور پاکستان تحریک انصاف کے ملتان سے نومنتخب ممبر صوبائی اسمبلی ظہیرالدین علیزئی نے ایم ڈبلیو ایم ملتان کے ضلعی سیکرٹری جنرل علامہ سید اقتدار حسین نقوی سے ٹیلیفونک رابطہ کیا اور عام انتخابات میں مجلس وحدت مسلمین کی جانب سے حمایت اور تعاون کرنے پر شکریہ ادا کرتے ہوئے کہا کہ میری کامیابی میں مجلس وحدت مسلمین کا مرکزی کردار ہے بہت جلد ملتان آ کر مجلس وحدت مسلمین کے رہنمائوں اور کارکنوں کے اعزاز میں عشائیہ دوں گا۔ اس موقع پر علامہ اقتدار نقوی نے کہا کہ مجلس وحدت مسلمین نے ملتان میں معتدل قوتوں کا ساتھ دے کر مضبوط پاکستان کی بنیاد میں اہم کردار ادا کیا ہے۔ اُنہوں نے کہاکہ مجلس وحدت مسلمین نے ملتان میں جن اُمیدواروں کی حمایت کااعلان کیا پھر اُنہیں کامیاب کرانے تک ساتھ دیا۔ اُنہوں نے ظہیرالدین علیزئی کا شکریہ ادا کرتے ہوئے کہا کہ انشاءاللہ ملتان میں قومی وحدت کا یہ سفر جاری رہے گا۔
خبر کا کوڈ: 268827