اسلام ٹائمز۔ جماعت اہلسنّت پاکستان کراچی کے امیر علامہ شاہ تراب الحق قادری، مولانا ابرار احمد رحمانی، صوفی حسین لاکھانی، عبدالحفیظ معارفی و دیگر رہنماﺅں نے مشترکہ بیان میں پیر کرم شاہ الازہری کے صاحبزادے پیر امین الحسنات شاہ کو وزیر مملکت برائے مذہبی امور کا حلف اٹھانے پر مبارک باد پیش کرتے ہوئے کہا ہے کہ بارگاہ خداوند میں دعاگو ہیں کہ رب کریم، پیر امین الحسنات کو ہر جہت سے کامیابی و کامرانی عطا فرمائے اور یقین دلایا کہ مملکت پاکستان میں مذہبی رواداری کے فروغ اور انتہا پسندی و دہشت گردی کے خا تمے کے لئے ان کی ہر کاوش میں علماء اہلسنت بھرپور ساتھ دیں گے۔