QR Code

دہشت گردوں کی موجودگی کی اطلاع پر لاہور میں سرچ آپریشن جاری

28 Jun 2013 18:49

اسلام ٹائمز:پولیس ذرائع کے مطابق سرچ آپریشن میں پولیس نے مختلف علاقوں سے100 سے زائد مشکوک افراد کو حراست میں لیکر انھیں تفتیش کیلئے نامعلوم مقام پر منتقل کر دیا ہے، گرفتار ہونیوالوں میں غیر ملکی بھی شامل ہیں۔

اسلام ٹائمز۔ پنجاب کے دارالحکومت لاہور میں 13 دہشت گردوں کے داخلے کے اطلاع کے بعد پولیس کا سرچ آپریشن جاری ہے، مختلف علاقوں سے 100 سے زائد مشکوک افراد کو حراست میں لیکر انھیں تفتیش کے لئے نامعلوم مقام پر منتقل کر دیا گیا ہے۔ سی سی پی او لاہور چودھری شفیق احمد کی ہدایات پر لاہور پولیس نے کوٹ لکھپت، ٹاؤن شپ، لٹن روڈ، بادامی باغ، سرور روڈ، شاہدرہ، جنوبی چھاؤنی، شیرا کوٹ اور دیگر علاقوں میں چھاپے مارے جہاں سے پولیس نے 100 سے زائد مشکوک افراد کو حراست میں لیا ہے۔

پولیس ذرائع کا کہنا ہے کہ حراست میں لئے گئے افراد میں افغانیوں اور پٹھانوں کے علاوہ پنجابی بھی شامل ہیں۔ ڈی آئی جی آپریشن رائے محمد طاہر کے مطابق لاہور میں 13 دہشت گردوں کے داخلے کی اطلاع، جرائم پیشہ اور مشکوک عناصر کیخلاف شروع کیا گیا ہے  سرچ آپریشن جاری رہے گا۔ انہوں نے کہا کہ حراست میں لئے گئے افراد کے شناختی دستاویزات چیک کرنے اور انکی شخصی ضمانتوں کے بعد چھوڑ دیا جاتا ہے جبکہ دیگر افراد کو جیل بھجوا دیا جاتا ہے۔ ذرائع کے مطابق تاحال پولیس کوئی اہم دہشت گرد گرفتار نہیں کر سکی۔

خبر کا کوڈ: 277609