0
Thursday 18 Jul 2013 20:04
اسلام ٹائمز۔ اقتصادی رابطہ کمیٹی نے قطر سے یومیہ 50 کروڑ مکعب فٹ مائع قدرتی گیس ایل این جی درآمد کرنے کی منظوری دیدی ہے، اس سلسلے میں پیپرا قوانین میں چھوٹ لینے پر بھی غور کیا گیا ہے۔ اسلام آباد میں وزیر خزانہ اسحاق ڈار کی کی زیر صدارت اقتصادی رابطہ کمیٹی کا اجلاس ہوا۔ ذرائع کے مطابق قطر سے ایل این جی درآمد کرنے کی منظوری دی گئی، تاہم فی الحال یہ سہولت نجی شعبہ کو حاصل نہیں ہوگی، ایل این جی کیلئے سوئی سدرن اور اینگرو کا ٹرمینل استعمال کیا جائے گا۔ اجلاس میں ایل این جی کی درآمد میں پیپرا قوانین کی چھوٹ لینے پر غور کیا گیا اور چھوٹ کیلئے وزارت قانون سے مشاورت طلب کی گئی۔ اجلاس میں وزیر خزانہ نے گورنر اسٹیٹ بینک کو روپے کی قدر بڑھانے کیلئے مشورے بھی دیئے۔