QR Code
نوشہرہ، روضہ سیدہ زینب (س) پر حملہ کیخلاف ایم ڈبلیو ایم کا احتجاج
27 Jul 2013 01:09
اسلام ٹائمز: مظاہرین سے خطاب کرتے ہوئے اورنگزیب جعفری کا کہنا تھا کہ شام میں دہشتگردوں کی جانب سے بی بی زینب (س) پر حملہ نے دنیا بھر کے مسلمانوں کے دلوں کو غمگین کردیا ہے۔
اسلام ٹائمز۔ مجلس وحدت مسلمین ضلع نوشہرہ کے زیر اہتمام روضہ بی بی سیدہ زینب (س) پر دہشتگردوں کی جانب سے راکٹ فائر کئے جانے کیخلاف احتجاجی مظاہرہ کیا گیا۔ اس موقع پر مظاہرین نے بینرز اٹھا رکھے تھے، جن پر بی بی سیدہ کے روضہ مبارک پر حملہ کیخلاف نعرے درج تھے۔ احتجاجی مظاہرے کی قیادت مجلس وحدت مسلمین ضلع نوشہرہ کے سیکرٹری جنرل اورنگزیب جعفری نے کی۔ احتجاجی مظاہرے کے شرکاء نے کچھ دیر تک علامتی دھرنا بھی دیا۔ مظاہرین سے خطاب کرتے ہوئے اورنگزیب جعفری کا کہنا تھا کہ شام میں دہشتگردوں کی جانب سے بی بی زینب (س) پر حملہ نے دنیا بھر کے مسلمانوں کے دلوں کو غمگین کردیا ہے۔ اور امریکہ و اسرائیل کے پے رول پر پلنے والا تکفیری دہشتگرد ٹولہ دنیا کے سامنے عیاں ہوگیا ہے۔
خبر کا کوڈ: 287167