اسلام ٹائمز۔ امامیہ اسٹوڈنٹس آرگنائزیشن پاکستان بلتستان ڈویژں بھی امام خمینی (رہ) کے فرمان پر لبیک کہتے ہوئے عالمی یوم القدس کی عظیم الشان ریلیاں نکالے گی۔ امامیہ نوحوان یوم القدس کے روز پوری دنیا کے غیور افراد فلسطین پر اسرائیل کے غاصبانہ قبضہ کے خلاف بیک وقت احتجاج کریں گے، یہ اس بات کا اظہار ہے کہ جو صدا آج سے کئی سال قبل ایران کی سرزمین سے امام خمینی (رہ) نے بلند کی تھی وہ اس دنیا کے ہر باغیرت فرد کے ضمیر کی آواز بن چکی ہے۔ امامیہ اسٹوڈنٹس آرگنائزیشن پاکستان بلتستان ڈویژن کے جاری کردہ بیان میں کہا ہے کہ امامیہ اسٹوڈنٹس آرگنائزیشن پاکستان بلتستان ڈویژں بھی امام خمینی (رہ) کے فرمان پر لبیک کہتے ہوئے عالمی یوم القدس کی عظیم الشان ریلیاں نکالے گی۔ اس سلسلے میں آئی ایس او بلتستان کے زیراہتمام روندو، خپلو، کھرمنگ، شگر، مہدی آباد، کچورا، گمبہ اسکردو میں بھی القدس ریلیاں برآمد ہونگی۔

اسلام ٹائمز