اسلام ٹائمز۔ اقوام متحدہ میں پاکستان کے مستقل سفیر مسعود خان نے امید ظاہر کی ہے کہ امریکہ، شام پر یک طرفہ حملہ نہیں کرے گا۔ اسلام آباد میں ایک تقریب میں خطاب میں مسعود خان کا کہنا تھا کہ امریکہ کی جانب سے شام پر یک طرفہ حملے کی صرف باتیں ہیں، حقیقت میں ایسا نہیں ہوگا۔ امریکا اقوام متحدہ کی قرارداد کے خلاف نہیں جائے گا۔ انہوں نے کہا کہ شام کے مسئلے پر پاکستان اور اقوام متحدہ کی پوزیشن ایک ہی ہے۔ عالمی امن اور تنازعات کے امور پر اقوام متحدہ میں چھوٹے بڑے سب ممالک کو نمائندگی دی جانی چاہیے۔